Ermir Lenjani në formacionin e javës në Zvicër

18:55 | 5 Mars 2018
Arbresh.info

Futbollisti shqiptar, Ermir Lenjani, po kalon nëpër një formë të mrekullueshme në kampionatin zviceran.

Në ndeshjen ndaj Luzernit, mbrojtësi nga Kamenica ishte më i miri në fushë për skuadrën e tij Sion.

Sion nuk arriti më shumë se një barazim 1-1, por që në këtë takim shkëlqeu Lenjani që asistoi në golin e shënuar nga Kasami.

Përveç asistimit të mrekullueshëm, ylli i Kombëtares së Shqipërisë ishte fantastik në mbrojtje duke neutralizuar sulmuesin anësor të Luzernit, Schneuëly.

E falë ndeshjes së mrekullueshme ndaj Luzernit, mbrojtësi këmbnëshpejtë është përfshirë në formacionin e javës në Zvicër nga sportalhd.com.

28-vjeçari pasi po kalon nëpër një formë të lartë, pritet që në fund të stinorit të ndërroj skuadër dhe të luaj në një kampionat më të lartë si Bundesliga ose Serie A. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm