Google ADS

Erling Haaland thyen rekordin e golave, bëhet golashënuesi më i mirë në histori ​​të Norvegjisë

11:48 | 11 Tetor 2024
K.B

Ylli i Manchester Cityt, Erling Haaland është tashmë golashënuesi më i mirë i të gjitha kohërave në Kombëtaren e Norvegjisë.

Sulmuesi më i mirë në botë momentalisht ka shënuar dy gola mbrëmjen e së enjtes, duke çuar numrin në 34 gola në vetëm 36 ndeshje në moshën 24-vjeçare.

Kështu, Haaland ka thyer rekordin e legjendës Jorgen Juves që qëndronte që nga viti i largët 1934.

Haaland po shijon kohën e tij në skenën ndërkombëtare, pavarësisht se nuk ka luajtur ende në një turne të madh.

Pas fitores ndaj Sllovenisë dhe rekordit të arritur, Haaland ndau një foto në rrjetet sociale, duke shtuar një emoji të një fëmije.

Ai mund të jetë duke lënë të kuptohet se partnerja e tij Isabel është shtatzënë me fëmijën e tyre të parë.

Haaland do të jetë në aksion për Norvegjinë kundër Austrisë të dielën përpara se të kthehet në City për ndeshjet e javës së ardhshme. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm