“Emre Can do të transferohet në Juventus”

17:27 | 16 Janar 2018
Arbresh.info

Përkundër deklaratave të Emre Can se nuk ka kurrfarë marrëveshje me Juventusin, mediat italiane insistojnë se mesfushori do ta vazhdojë karrierën në Torino.

Futbollisti që e përfaqëson Gjermaninë ka kontratë me Redsat deri në fund të sezonit dhe është thënë se gjatë verës do të nënshkruajë për Bianconerët si lojtar i lirë.

Megjithatë, vet lojtari ka thënë se nuk ka parakontratë me Zonjën e Vjetër dhe se akoma është në bisedime me klubin aktual për të qëndruar.

Përkundër kësaj, calciomercato.com raporton se fjalët e Can kanë të bëjnë vetëm me respektin që ai e ka për klubin ku po luan tani.

Nga ana tjetër thuhet se agjentët e mesfushorit janë duke i finalizuar detajet e marrëveshjes me kampionin e Italisë.

Nëse nuk do të ketë ndonjë ndryshim sensacional të ngjarjeve, Can do të luajë për Juven nga sezoni i ardhshëm.

Ai pritet të nënshkruajë kontratë katërvjeçare me klubin italian, ku do të përfitojë pesë milionë euro për sezon plus bonuset.

Shpërndaje në rrjete sociale

Lajmet më të lexuara

Të ngjashme

Foto lajm