Emery këmbëngul se e ka përkrahjen e Arsenalit, me gjithë sezonin zhgënjyes

10:48 | 28 Nëntor 2019
Arbresh Info

Trajneri i Arsenalit, Unai Emery, ka këmbëngulur se e ka përkrahjen e klubit, me gjithë sezonin zhgënjyes që po e përjeton.

Arsenali zë pozitën e tetë momentalisht në Premierligë dhe ka dështuar të fitojë në pesë ndeshjet e fundit në ligë.

Lojtarët e klubit nga Londra Veriore u fishkëllyen nga tifozët e vet pas barazimit 2:2 me Southamptonin në shtëpi të shtunën, por Emery thotë se ai nuk ndien më presion nga klubi.

“Klubi po më përkrah mua. Ndiej se klubi është përgjegjës në këtë. E vlerësoj vërtet shumë”, tha Emery.

“Ndihem i fortë me këtë përkrahje dhe e di se përgjegjësia ime është të kthehem dhe ta ndryshoj situatën. Na duhet ta kthejmë vetëbesimin, duhet të jemi më kompakt”, shtoi ai. /Gazeta Express/

Shpërndaje në rrjete sociale

Lajmet më të lexuara

Të ngjashme

Foto lajm