Elseid Hysaj vazhdon qëndrimin te Napoli

13:40 | 23 Qershor 2018
Arbresh Info

Raportohet që Elsied Hysaj ka vendosur për të qëndruar te Napoli këtë verë pasi trajneri Carlo Ancelotti e konsideron atë të “nevojshëm”.

Qendërmbrojtësi i Shqipërisë është përfolur për një transferim me shumë të holla te skuadrat e mëdha si Chelsea dhe Manchester United pasi posedon një klauzolë të blerjes prej 50 milionë euro, transmeton portali arbresh.info.

Megjithatë, ‘Il Mattino’ raporton që presidenti i ‘Partenopeit’, Aurelio De Laurentiis ka refuzuar tani dy ofertat e shtruara për 24 vjeçarin.

Ancelotti, i cili zëvendësoi Maurizio Sarrin si trajner në fillim të verës, thuhet se e sheh Hysajn si pjesë të brendshme të planeve të tij për të kthyer Napolin në një fitues të titujve.

Pra, pritet që ish lojtarit të Empolit t’i ofrohet një kontratë e përmirësuar për të vazhduar te San Paolo dhe që do të eliminojë klauzolën e tij prej 50 milionë euro./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm