Google ADS

Elliott Management: Milani nuk është në shitje

23:56 | 18 Tetor 2019
A. B.

Elliott Management insiston që nuk ka absolutisht asnjë plan për ta shitur Milanin dhe se ai është i përkushtuar të ndihmojë financimin e një stadiumi të ri.

Eksperti financiar Luca Pagni kishte shkruar dje se humbjet rekorde prej 145.9 milionë euro  të Milanit ishin pjesë e një strategjie të Elliott për ta shitur pastaj klubin.

Sidoqoftë, një nga zëdhënësit e kompanisë ka thënë për Affariitaliani.itm se nuk ka gjasa që të shitet klubi, duke shtuar se po mendohen investime të reja.

“E vetmja mundësi në tryezë është ndërtimi i një stadiumi të ri në zonën e San Siros”.

“Propozimet dhe kërkesat e paraqitura në Këshillin Bashkiak të Milanos, ishin bazuar në këtë ide. Nuk ka asnjë projekt tjetër”, ka thënë zëdhënësi.

Fondi Elliott Management mori kontrollin e kuqezinjve në verën e vitit 2018 pasi pronari i mëparshëm Li Yonghong dështoi të pagoi një hua prej 303 milionë euro që e kishte marr kinezi për të blerë klubin. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm