Eliminohet Islanda, Kroacia me pikë maksimale në fazën tjetër

22:15 | 26 Qershor 2018
Arbresh Info

Kroacia me pikë maksimale (9) ka vazhduar në fazën tjetër të Kampionatit Botëror “Rusia 2018”.

Kroacia ka siguruar tri fitore radhazi në Kampionatin Botëror për herë të parë në histori të tyre në eliminimin 2 me 1 të Islandës mbrëmjen e sotme (e martë), transmeton portali arbresh.info.

Milan Badelj dhe Ivan Rakitic shënuan për skuadrën nën udhëheqjen e trajnerit Zlatko Dalic në takimin e zhvilluar në kuadër të Grupit D në stadiumin Rostov.

Gylfi Sigurdsson ishte golashënuesi i vetëm për kombëtaren e vogël islandeze që përfundoi aventurën e tyre në këtë turneu madhështor me këtë ndeshje pavarësisht shpresave të mëdha dhe dramës interesante.

Në raundin tjetër janë kualifikuar Argjentina dhe Kroacia si lidere e grupit, ndërsa Nigeria ka përfunduar në vendin e tretë kurse Islanda në pozitën e fundit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm