Italia mbrëmë u eliminua nga Kampionati Evropian Euro 2024 nga Zvicra, pasi u mposht me rezultat 2-0.
Pas kësaj disfate dhe eliminimit të hershëm nga kompeticioni, u mendua se roli i Luciano Spallettit si trajner i Italisë ka marr fund, shkruan Arbresh.info.
Mirëpo se ai do të vazhdojë të jetë në krye të kampionit në fuqi të Evropës e konfirmoi edhe presidenti i Federatës së futbollit italian, Gabriele Gavina.
Ai në një konferencë për media të mbajtur gjatë ditës sotme ku i pranishëm ishte edhe vetë trajneri tha se është “e paimagjinueshme” të shkarkojë trajnerin ende pa u bërë një vit i plot nga ardhja e tij.
“Ne nuk kemi asgjë për të fshehur, por duhet të vazhdojmë të marrim përgjegjësi. Ka pasur një bisedë të gjatë me trajnerin dje dhe mendoj se është e paimagjinueshme që të zgjidhim problemet duke braktisur projektin pas vetëm tetë apo nëntë muajve”, ka thënë Gravina para mediave.
“Në qendër të projektit është një trajner i cili ka qenë këtu për nëntë deri në 10 muaj, i cili jo gjithmonë i ka pasur lojtarët në dispozicion. Besimi ynë duhet të punojë dhe tashmë ka një mision të ri pas 60 ditëve”, përfundoi ai.
Pas dështimit në Euro 2024, Italia do të rikthehet të luaj sërish në shtator ndaj Francës në kuadër të Nations League./Arbresh.info/
Kushdo që do të bëhet polic në Shqipëri, tashmë do të kalojë...
FC Ballkani niset për në Andorrë: Të motivuar për ta filluar...
Tërmet i fortë në Greqi, i dyti gjatë 24 orëve
Marine Le Pen paralajmëron se e djathta ekstreme franceze do...
Kurti: Nuk ka asgjë që do t’i kontribuonte më shumë paqes se...
Fundi i një epoke, yjet e futbollit që nuk do ti shohim më n...