Portieri i Chelseat, Edouard Mendy dhe mbrojtësi i Napolit, Kalidou Koulibaly ishin në mesin e një grupi të lojtarëve të Senegalit që rezultuan pozitivë me coronavirus, pas bashkimit me kombëtaren për Kupën e Kombeve Afrikane në Kamerun.

Mendy, kapiteni Koulibaly dhe sulmuesi Famara Diedhiou dhanë rezultate pozitive të shtunën në testimin e detyrueshëm për skuadrën e Senegalit 48 orë përpara ndeshjes hapëse të Kupës së Afrikës kundër Zimbabve.

Njoftimi zyrtar erdhi nga vetë Federata e Futbollit të Senegalit, përcjell Telegrafi.

Mendy, Kalidou Koulibaly and Famara Diedhiou returned positive results on Saturday in mandatory testing for the Senegal squad 48 hours ahead of its opening game of the African Cup against Zimbabwe.https://t.co/tTujMB4Npa

— Express Sports (@IExpressSports) January 9, 2022

Të tre lojtarët do të përjashtohen nga ndeshja e së hënës, përveç nëse testimi i mëpasshëm vërteton se ata kishin një test ‘pozitivë të rremë’

Senegali, i cili është një nga favoritët e titullit në Kupën e Afrikës, tashmë kishte tre lojtarë të tjerë dhe gjashtë anëtarë stafit të ekipit, në testin pozitiv për virusin përpara se skuadra të nisej nga Dakar për në Kamerun të mërkurën.

Testi pozitiv i Mendyt ngriti shqetësime për yllin e Senegalit, Sadio Mane, i cili fluturoi për në Dakar nga Britania e Madhe së bashku me Mendyn në një avion privat me qira.

Fotografitë treguan dyshen e Ligës Premier të ulur afër njëri-tjetrit në fluturim dhe pa maskë në fytyrë.