Edhe Man Utd monitoron situatën e Mesut Ozilit në Arsenal

15:07 | 11 Shtator 2018
Arbresh Info

Manchester United dhe Fenerbahce janë duke monitoruar situatën e mesfushorit Mesut Ozil në Arsenal.

Ditët e Ozilit në Arsenal duket se janë të numëruara pasi gjiganti turk Fenerbahce thuhet se është i vendosur për transferimin tronditës të mesfushorit në merkaton e muajit janar, transmeton portali arbresh.info.

‘Fotomac’ raporton se Fenerbahce është duke udhëhequr garën për mesfushorin ndërkohë që Manchester United mësohet se është gjithashtu duke monitoruar situatën e tij.

Mbetet ende e paqartë nëse Ozil do të konsideroj largimin nga Arsenali pavarësisht raporteve të tij me trajnerin e ri Unai Emery që kaluan në një pikë aspak të favorshme gjatë javëve të fundit.

Raportet sugjerojnë që dyshja u përplasën pasi Ozil u njoftua se nuk do të jetë startues në ndeshjen e fituar tashmë kundër West Hamnit.

Sidoqoftë, Emery insistoi se arsyeja pse lojtari nuk luajti ishte për shkak të një sëmundje./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm