Edhe Luka Modric akuzohet për mashtrim tatimor

17:08 | 29 Nëntor 2017
Arbresh Info

Mesfushori i Real Madridit, Luka Modric është bërë futbollisti i fundit në Spanjë që është akuzuar nga prokurorët për mashtrim tatimor.

Prokurorët në Spanjë besojnë që kroati, gruaja Vadja e të cilit citohet në këto akuza, i është shmangur pagesave me shumë prej 870.728 euro në vitin 2013 dhe 2014 përmes krijimit të një kompanie në Luksemburg, transmeton portali arbresh.info.

Megjithatë, kjo shifër mund të rritet nëse detajet e pronave financiare te Ishulli i Njeriut i përkasin lojtarit, kanë zbuluar autoritet spanjolle.

32-vjeçari iu bashkua Madridit nga Tottenhami për një shifër prej 30 milionë funta në vitin 2012.

Ai është ylli i fundit që është akuzuar në Spanjë për mashtrim tatimor pas futbollistëve si Cristiano Ronaldo, Lionel Messi dhe Marcelo./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm