Sipas Richard Keys, Manchester United ka një marrëveshje me trajnerin francez Zinedine Zidane për zëvendësimin e Jose Mourinhos.

Jose Mourinho është nën presion të pafund te klubi në Old Trafford, transmeton portali arbresh.info. Rikthimi i Manchester United në ndeshjen kundër Newcastles United para pushimeve ndërkombëtare shpëtoi trajnerin portugez nga shkarkimi.

Ish trajneri i Real Madridit, Zidane është përfolur si një zëvendësues i Jose Mourinhos në Old Trafford dhe analisti Richard Keys thekson se United tashmë ka një marrëveshje me ish trajnerin e Real Madridit.

“Jam më shumë i bindur se kurrë që United ka një ‘marrëveshje’ me Zinedine Zidanen”, shkroi Keys në llogarinë e tij në rrjetin social Twitter.

“Jose do ta kuptoj këtë sigurisht? Ai ishte i ngjashëm për shkak se sillej përreth Louis van Gaalit”

Zinedine Zidane është përfolur shumë për kalim në Old Trafford si një zëvendësues i Mourinhos, por eksperti i futbollit spanjoll Guillem Balague thotë se francezi nuk do të marrë drejtimin e skuadrës angleze brenda një të ardhme të afërt.

“Edhe nëse atij do t’i ofrohet puna nesër, nuk mendoj se do ta pranoj”

“Unë nuk mendoj se kjo është ajo që ai dëshiron të bëjë nesër. Mendoj se edhe për disa muaj ai do të jetë thjeshtë i lumtur vetëm duke pushuar”

“Djajtë e Kuq” barazuan me rezultat 2 me 2 ndaj Chelseat në derbin e zhvilluar pasditen e sotme (e shtunë).

Tifozët e gjiganti anglez janë të ngazëllyer sa i përket thashethemeve që Zidane do të marrë në drejtim klubin e tyre duke marrë parasysh trofetë që legjenda ka fituar gjatë tri viteve në Bernabeu./arbresh.info/