Google ADS

E përkrahu Rusinë, Lewandowski e shkëput kontratën me kompaninë e njohur kineze

15:10 | 8 Mars 2022
Fjolla Bajraktari

Robert Lewandowski e ka shkëputur përfundimisht marrëveshjen me sponsorin e tij.

Arsyeja: korporata multinacionale kineze e teknologjisë – Huaëei e mbështeti Rusinë në luftën që po e zhvillon në Ukrainë.

Dhe, kjo ka bërë që sulmuesi polak ta ndërpresë menjëherë bashkëpunimin me këtë kompani, shkruan “Gazeta Express”.

Së fundmi Huawei u akuzua për përkrahje të agresorit rus, madje edhe e kishte ndihmuar atë në lidhjen e saj me internet, kur u sulmua nga hakerët që ishin në mbështetje të Ukrainës.

Siç dihet, sulmuesi i Bayern Munichut ka qenë njëri prej të parëve që e ka ngritur zërin kundër luftës së nisur nga Rusia në Ukrainë.

Madje, ai nuk dëshironte të luajë kundër Rusisë në play-offit të Botërorit, pa u marrë vendimi nga FIFA për t’i përjashtuar rusët nga garat ndërkombëtare.

Nga ana e saj, dega e Huawei në Poloni i ka uruar suksese Lewandowskit, ndërsa i ka hedhur poshtë akuzat për ndihmë të rusëve. /Gazeta Express/

Shpërndaje në rrjete sociale

Lajmet më të lexuara

Të ngjashme

Foto lajm