Manchester United konfirmoi se Kieran O’Hara ka nënshkruar marrëveshje të re për të vazhduar qëndrimin në klub pas shkëlqimit këtë sezon te skuadra rezervë.

Klubi kërkonte të nënshkruante me talentin e ri dhe të mbante atë në klub për një periudhë të gjatë pasi ai impresionoi Nicky Buttin dhe trajnerët e tjerë, të cilët presin shumë nga 21-vjeçari, transmeton portali arbresh.info.

Duke folur për faqen zyrtare të klubit, lojtari ka bërë të qartë se tani është i lumtur që ka vazhduar qëndrimin në Old Trafford:

“Qysh pasi iu bashkova United, gjithçka ka qenë ashtu siç kam pritur”

“Klubi iu jep çdo udhëzim që ju keni nevojë nga trajnerët me eksperiencë për tu përmirësuar në çdo ditë”

“Por, tani e di që puna e vështirë sapo ka filluar dhe që unë duhet të vazhdojë të dëgjojë dhe të jap gjithçka në stërvitje për ndeshjet që janë duke ardhur. E di që jam në vendin e duhur për të vazhduar zhvillimin si një lojtar i ri dhe jam i kënaqur që kam nënshkruar kontratë të re”

Portierit Kieran O’Hara i është dhënë më shumë hapësirë sezonin e kaluar në Evropa Ligë./arbresh.info/

https://twitter.com/ManUtd/status/943428607367630848