Google ADS

E ardhmja e Zinedine Zidane në rrezik, Real-i arrin marrëveshje me Pochettino-n

23:06 | 9 Prill 2020
Arbresh Info

E ardhmja e trajnerit Zinedine Zidane te Real Madrid nuk është e sigurt, ngase thuhet se klubi ka arritur marrëveshje me Mauricio Pochettinon.

Pozita e dytë në La Liga dhe nëse eliminohen nga Liga e Kampionëve mund t’i shkaktojnë teknikut francez të humbë punën, transmeton portali arbresh.info.

Sipas Fansided, “Los Blancos” kanë arritur marrëveshje me Pochettino-n, nëse vendosin ta shkarkojnë Zidane-n në fund të sezonit.

Zidane është duke u munduar të bëjë disa transferime të mëdha në verë si Pogba, Mbappe dhe Ruiz, mirëpo nëse gjatë këtij sezoni nuk fiton ndonjë trofe, atëherë do shkarkohet.

Nga ana tjetër, Pochettino nuk i dëshiron këto transferime sepse dëshiron ta formojë skuadrën me lojtarë të rinj, ashtu siç ka bërë te Spurs.

Ka raportime se presidenti i “Mbretërve”, Florentino Perez ia ka bërë të qartë legjendës së klubit se nëse nuk fiton trofe gjatë këtij sezoni, atëherë do detyrohet ta shkarkojë./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm