Google ADS

E ardhmja e Icardit në dyshime?

19:30 | 9 Tetor 2018
Arbresh Info

Bazuar në raportet në Itali, e ardhmja e Mauro Icardit te Interi vazhdon të mbetet e paqartë për shkak se të dy palët nuk janë ende dakord në lidhje me kërkesat rreth pagës.

Marrëveshja aktuale e Icardit nuk skadon edhe tri vite dhe nga pikëpamja financiare, ajo vlen 4.5 milionë në vit, transmeton portali arbresh.info. Megjithatë, lojtari tani është duke kërkuar 8 milionë euro, plus bonuset, ndërsa klubi është i gatshëm të ofrojë vetëm 6.5 milionë euro, përfshirë edhe bonuset.

Sidoqoftë, Interi dëshiron të arrijë një marrëveshje, ndërkohë që klauzola e tij prej 110 milionë euro është duke shërbyer gjithashtu si diçka që i shkakton dhimbje koke.

Icardi është padyshim njëri nga sulmuesit më të mirë në botën e futbollit sot, por në një pikë, Interi duhet të vë në pyetje nëse ja vlen apo jo stresi që ai ka tendenca të shkaktoj javë pas jave.

Sido që të ndodhë, fundi i kësaj storie pritet të mësohet brenda muajve të ardhshëm./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm