Paulo Dybala ka folur pas ndeshjes me Udinesen për fitoren, por kur u pyet për kontratën e re me klubin e Juventusit, ai tha se: “ndodhën shumë gjëra për të cilat preferoj të mos flas”.

La Joya e hapi rezultatin në fitoren sonte 2-0 ndaj Udineses në Torino, por në mënyrë të dukshme refuzoi të festonte, duek dhënë edhe një shik drejt tribunës ku qëndrojnë drejtorët e klubit.

Dybala foli për Sky Sport Italia pas ndeshjes dhe disponimi i tij nuk ishte në atë që gazetarët ishin mësuar ta shohin.

“Mendoj se luajtëm mirë, duhet të përpiqemi të jemi më të qëndrueshëm pasi shënojmë gola, pasi shumë shpesh shënojmë dhe më pas fillojmë të mbrohemi më shumë, kemi frikë nga sulmi dhe nuk mund të vazhdojmë ta bëjmë këtë”.

“Ne jemi Juventusi, sigurisht që jemi në garë për vendet e Ligës së Kampionëve dhe duhet të përpiqemi të fitojmë. Ne nuk po luajmë futboll të mirë, por kjo nuk është forca jonë, ndaj duhet të fokusohemi te uria dhe të përpiqemi të vrapojmë më fort se kushdo tjetër”, deklaroi ai për ndeshjen.

Dybala u pyet për shikimin drejt tribunës dhe mos festimin e tij të zakonshëm.

“Kam ftuar një shok dhe nuk munda ta shoh. Ka shumë njerëz atje lart dhe nuk e gjeta”.

“A duhet t’ju besojmë? Nuk e di, kjo varet nga ju. Ka pasur shumë histori dhe kanë ndodhur shumë gjëra për të cilat preferoj të mos flas”, deklaroi ai.

Dybala on his future: “Many things have happened… I prefer not to talk about it”. Juventus had a verbal agreement to extend Dybala’s contract since October, then they asked for time before signing the new deal. He’s not happy. ⚪️ #Dybala

He’s currently out of contract in June. pic.twitter.com/3umIkjsWlo

— Fabrizio Romano (@FabrizioRomano) January 15, 2022

Dybala ka qenë i lidhur me Tottenhamin, Barcelonën dhe rivalët kryesorë të Juves, Interin.

“Nuk kam pse t’i dëshmoj asgjë askujt. Jam në dispozicion të trajnerit dhe klubit. Kontrata ime? Klubi ka thënë se do të flasim për këtë në shkurt”, deklaroi Dybala.