Dybala e Eriksen në plane të PSG-së

15:33 | 27 Dhjetor 2020
Arbresh.info

Paulo Dybala dhe Christian Eriksen mund të jenë dy transferimet e para të Mauricio Pochettinos te PSG-ja në muajin janar, shkruajnë mediat italiane.

Danezi është afër largimit nga “Giuseppe Meazza”, dhe një gjë të tillë e ka konfirmuar Beppe Marotta më herët gjatë kësaj jave.

Sipas “La Gazzetta dello Sport”, mund të bëhet shkëmbimi me Leandro Paredes.

Të dy klubet janë pajtuar që të bëhet ky shkëmbim i lojtarëve.

Erikseni u transferua në Itali në janar të këtij viti, ndërsa Paredes, ish-lojtar i Empolit dhe Romës, i kaloi tre vjetët e fundit jashtë elitës së futbollit italian.

Paulo Dybala i Juventusit është prioritet i ish-trajnerit të Tottenhamit tash e një kohë të gjatë. Ai provoi ta transferojë atë në Tottenham në verën e vitit të kaluar.

“Tuttosport” njofton se parisienët janë të gatshëm t’i shpenzojnë 60 milionë euro për t’i siguruar shërbimet e tij, por “zonja e vjetër” kërkon 100 milionë euro.

Kontrata e Dybalas me Juventusin përfundon në vitin 2022.

Shpërndaje në rrjete sociale

Lajmet më të lexuara

Të ngjashme

Foto lajm