Dy milionë shishe me verë për transferimin e Andres Iniestas

17:26 | 7 Mars 2018
Arbresh Info

Klubi nga Super Liga e Kinës, Tianjin Quanjian raportohet se ka ofruar blerjen e dy milionë shisheve me verë nga Andres Iniesta në përpjekje për të joshur atë larg nga Barcelona.

33-vjeçari, i cili shpenzoi të gjithë karrierën e tij në Camp Nou, në të kaluarën ka qenë i lidhur me transferimin në Lindje të Largët, gjë që ndodhi gjatë verës dhe muajit janar, transmeton portali arbresh.info.

Megjithatë, në përpjekjen e tyre të fundit për të siguruar reprezentuesin spanjoll nga klubi i tij, ‘The Sun’ raporton që Tianjin nuk do të paguaj vetëm një pagë vjetore prej 30 milionë funta, por ata do të blejnë edhe një numër të madh të shisheve me verë nga kompania që posedon lojtari.

Iniesta ka prodhuar verë në vendlindje të tij që nga viti 2010 në vreshtën Bodega Iniesta afër Albacetes.

Pavarësisht thashetheme rreth kësaj mega oferte, mesfushori ka nënshkruar “kontratë jetësore” vitin e kaluar me Barcelonën dhe vështirë se do të ndryshojë mendjen gjatë verës./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm