Dukagjini shënon fitore të rëndësishme ndaj Feronikelit

17:01 | 27 Prill 2022
KRG

Dukagjini ka shënuar një tjetër fitore të rëndësishme në garën për mbijetesë dhe të tretën radhazi në Superligën e Kosovës.

Pas fitoreve ndaj Drenicës dhe Gjilanit, skuadra e drejtuar nga Armend Dallku mposhti edhe Feronikelin.

Ndeshja e zhvilluar sot në stadiumin “Rexhep Rexhepi” të Drenasit ka përfunduar me rezultatin 0:4. Kjo ndeshje ishte e vlefshme për javën e 31-të.

Altin Merlaku (10’), Arbër Shala (15’), Ergyn Ahmeti (45+1’) dhe Stefan Nikolic (85’) shënuan golat e fitores për skuadrën nga Klina.

Dukagjini pas kësaj fitore ka 39 pikë dhe tani renditet i shtati në tabelë, duke u larguar kështu nga pozita e tetë ose e barazhit.

“Hithat” kanë dy pikë më shumë se Malisheva, e cila ndeshjen e kësaj jave e luan nesër ndaj Llapit.

Kurse, Feronikeli mbetet në pozitën e fundit në tabelë (10) me vetëm 12 pikë.

Shpërndaje në rrjete sociale

Lajmet më të lexuara

Të ngjashme

Foto lajm