Google ADS

Dukagjini merr një pikë në udhëtim te Drita

17:01 | 8 Maj 2022
Lorik Gerbeshi

Drita dhe Dukagjini i kanë ndarë pikët (0-0) në ndeshjen e javës së 34 në BKT Superligën e Kosovës në futboll.

Gjysma e parë e takimit të zhvilluar në Stadiumin e Qytetit në Gjilan nuk prodhoi shumë raste shënimi, ashtu që skuadrat shkuan në pushim me rrjetat e paprekura.

Në fraksionin e dytë u akordua penallti në favor të nikoqirëve, mirëpo Altik Muhaxhiri priti penalltinë e ekzekutuar nga Marko Simonovski.

Kjo pikë i shërben Dukagjinit në garën për mbijetesë, pasi ndodhet në vend të gjashtë me 46 pikë, dy më shumë se Malisheva dhe Drenica që ndodhen më poshtë në renditje.

Drita qëndron në vend të tretë me katër pikë më shumë se Llapi që ndodhet një pozitë prapa dhe katër pikë më pak se Gjilani që mban vendin e dytë prapa kampionit Ballkani.

Shpërndaje në rrjete sociale

Lajmet më të lexuara

Të ngjashme

Foto lajm