Drita do të rikthehet në Kosovë me kokën lartë, Feyenoordi siguron kalimin tutje në frymën e fundit

22:03 | 29 Korrik 2021
KRG

Drita nuk ka arritur ta mbajë rezultatin deri në momentet e fundit, pasi në fundin e ndeshjes janë ndëshkuar nga Feyenoordi.

Skuadra holandeze ka mposhtur “Intelektualët” në ndeshjen e kthimit të zhvilluar sonte në “De Kuip” të Rotterdamit.

Ndeshja përfundoi me rezultatin 3-2, me të tre golat të shënuar nga Guus Til, në minutat 7, 67 dhe 90.

Marko Simonovski dhe Astrit Fazliu shënuan për skuadrën gjilanase në minutat 12 dhe 16.

Vlen të theksohet se skuadra e drejtuar nga Ardian Nuhiu kishte edhe disa raste tjera të mira shënimi dhe në përgjithësi në të dy ndeshjet tregoi shfaqje të mira ndaj gjigantit holandez.

Ndryshe, Feyenoordi në raundin e tretë kualifikues të Ligës së Konferencës do të takohet me Luzernin. /Zeri.info

 

Shpërndaje në rrjete sociale

Lajmet më të lexuara

Të ngjashme

Foto lajm