Drita “demolon” Fushë Kosovën, ndërsa Ballkani fiton minimalisht kundër Malishevës

15:04 | 6 Shkurt 2022
Lorik Gerbeshi

Drita ka arritur fitore të thellë 5-0 kundër Fushë Kosovës në kuadër të ndeshjeve për Kupën e Kosovës.

Rezultati u zhbllokua në minutën e 26-të, kur Ardian Cuculi u tregua i saktë nga pika e bardhë.

Brenda pjesës së parë u shënuan edhe dy gola tjerë.

Arbnor Muja shënoi në minutën e 40-të për rezultatin 2-0, pastaj vetëm pas dy minutash, Marko Simonovski trefishoi epërsinë e gjilanasve.

Në pjesën e dytë, Muharrem Jashari shënoi golin e katërt në minutën e 63-të, ndërsa për rezultatin përfundimtar prej 5-0 dhe golin e dytë personal të ndeshjes e shënoi Arbnor Muja.

Me këtë fitore, Drita kalon në çerekfinale të Kupës së Kosovës.

Nga ana tjetër, Ballkani ka arritur të shënojë fitore minimale ndaj Malishevës.

Golin e vetëm në këtë takim e shënoi Albion Rrahmani në minutën e 79-të të ndeshjes.

Me këtë fitore edhe Ballkani kalon në çerekfinale të Kupës së Kosovës./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm