Dortmund ndalet në barazim nga Bayer Leverkusen

17:27 | 2 Dhjetor 2017
Arbresh.info

Bayer Leverkusen dhe Borussia Dortmund kanë barazuar me rezultat 1 me 1 në kuadër të xhirosë së 16-të  të Bundesligës gjermane.

Derbin gjerman i javës filloi furishëm nga të dy skuadrat, të cilat kishin vendosur skuadra sulmuese.

Skuadra vendas arriti të shënojë e parë në takim, pasi në minutën e 30-të sulmuesi gjerman i Leverkusen, Kevin Volland shënoi për rezultatin 1 me 0, shkruan arbresh.info.

Vlen të theksohet se në fund të pjesës së parë Leverkuseni mbeti me një lojtar më pak në fushë, pasi Wendell u ndëshkua me karton të kuq direkt.

Pjesa e parë përfundoi 1 me 0.

Në pjesën e dytë, vendasit vendosën ta mbrojnë rezultatin duke mos sulmuar.

Skuadra e trajnerit holandez, Peter Bosz, arriti të barazojë rezultatin në minutën e 73 nëpëmjet ukrainasit, Andriy Yarmolenko.

Me këtë rezultat të barabartë përfunduan 90 minutat e zhvilluara në BayArena.

Me këtë barazim Dortmund renditet në pozitën e gjashtë me 22 pikë ndërsa Leverkusen në të tetën me 21 pikë. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm