Google ADS

“Donny van de Beek në Real Madrid”, e konfirmon trajneri i Ajaxit

17:24 | 2 Gusht 2019
Arbresh Info

Trajneri i Ajaxit, Erik ten Hag ka konfirmuar se mesfushori i talentuar holandez Donny van de Beek ka vendosur për largim nga klubi dhe do t’i bashkohet gjigantit spanjoll – Real Madridit.

Në medie është raportuar sot (e premte) që ‘Los Blancos’ janë afër nënshkrimit me 22-vjeçarin dhe janë tërhequr nga gara për Paul Pogban e Manchester United, zhvillime të cilat janë konfirmuar të gjitha nga Ten Hag në një konferencë për shtyp, transmeton portali arbresh.info.

“Ai [Van de Beek] ishte shumë i rëndësishëm për ne sezonin e kaluar dhe e nisi me të njëjtin entuziazëm, freski dhe shumë energji edhe këtë herë”, ka thënë fillimisht Erik ten Hag.

“Largimi i tij është një humbje, por ne e dinim se kjo mund të ndodhë. Ne nuk dëshironim ta humbim atë dhe ne bëmë gjithçka që kemi pasur mundësi për të mbajtur atë te Ajaxi, por kur një klub i këtij kalibri shfaqet, është vështirë”

Nëse duhet tu besojmë raporteve, Van de Beek do t’i bashkohet Real Madridit në një marrëveshje 60 milionëshe./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm