Donnarumma startues në ndeshjen Holandë – Itali

16:43 | 25 Mars 2017
Arbresh Info

Portieri i Milanit, Gianluigi Donnarumma pritet të startoj në ndeshjen miqësore të Italisë të martën kundër Holandës.

18-vjeçari tashmë ka bërë dy paraqitje për skuadrën e tij kombëtare, por ka qenë në dy ndeshjet si një zëvendësues gjatë pjesës së dytë të miqësoreve ndaj Francës dhe Gjermanisë, transmeton portali arbresh.info.

Prandaj, ndeshja kundër Holandës mund të jetë e para nga fillimi për Donnarumman tek “Azzurrët”.

Gianluigi Buffon regjistroi paraqitjen e 1000-të në karrierën e tij mbrëmjen e kaluar në fitoren 2 me 0 kundër Shqipërisë në kuadër të eliminatorëve në botërorin “Rusia 2018”.

Ai do të pushoj në “Amsterdan Arena” për t’i dhënë shansin Donnarummas që të shkëlqej./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm