Google ADS

Dominim kinez në hedhjen nga trampolina

00:46 | 2 Gusht 2021
A. B.

Shi Tingmao rrëmben të artën, Palmer kthen SHBA në podium pas 33 vitesh.

Kinezja Shi Tingmao është fituesja e medaljes së artë në hedhjen nga trampolina 3 metra për femra në Lojërat Olimpike të Tokios. 29-vjeçarja ishte fantastike, në Qendrën Ujore të Tokios, ku grumbulloi 383.50 pikë, duke merituar kështu medaljen e artë.

Për Shi ishte medalja e saj e dytë në këto lojëra olimpike, pas asaj të marrë në hedhjen nga trampolina të sinkronizuar. Sportistja kineze e përsërit këtë sukses, pasi edhe në Rio 2016 arriti të dominonte në të dy kategoritë, ku mori dy medalje të arta.

Vendi i dytë shkoi për kinezen tjetër, Wang Han, partnere e Tingmao në hedhjen e sinkronizuar nga trampolina. E bronzta shkoi për Krista Palmer, që u bë amerikanja e parë që fiton medalje në këtë disiplinë që prej Lojërave Olimpike të Seulit në vitin 1988.

Shpërndaje në rrjete sociale

Lajmet më të lexuara

Të ngjashme

Foto lajm