Milot Rashica është i vendosur për të dhënë maksimumin në dy ndeshjet e ardhshme të Kosovës.

I pyetur rreth ndryshimeve të shumta në formacion te skuadra gjermane Werder Bremen si dhe mundësisë për tu përshtatur te Kosova në pozitë të njëjtë, Rashica tha se këtë nuk e ka biseduar ende por se është i gatshëm për të dhënë gjithçka në fushë, shkruan portali arbresh.info.

“Jo, deri tash nuk kemi biseduar për këtë punë por normal unë jam i gatshëm dhe kam mu mundu me jap maksimumin pa marrë parasysh se në cilën pozitë por dallon pak edhe taktika që lujmë atje dhe mënyra se si luajmë këtu, por unë kam mu mundu mu përshtatë dhe me jep më të mirën në çdo pozita”, ka thënë Rashica në konferencën për shtyp pasditen e sotme (e martë).

“I kemi dy ndeshje tepër të rëndësishme, për momentin jam në formë shumë të mirë dhe jam në rrugën e duhur. Shpresoj me vazhdu sikur atje edhe këtu, kam mu mundu me jep maksimumin edhe me pas paraqitje shumë më të mira”

Duke ditur se rivali i ardhshëm është një kundërshtar shumë i fortë, Rashica përsëriti se ata si një skuadër do të përpiqen të japin maksimumin.

“Kam me qenë një ndeshje shumë e madhe për neve, ndoshta është hera e parë që po luajmë një ndeshje miqësore kundër një kundërshtari kaq të fortë dhe po kemi mundësinë të luajmë në shtëpinë tonë dhe normal kemi munduar të japim maksimumin sikur me qenë ndeshje për pikë dhe pasi është edhe miqësore mundet edhe trajneri me provu lojtarë të rinj, mi bo pozita të reja, kemi lojtarë të mjaftueshëm dhe lojtarë shumë të mirë, por në të njëjtë kohë do të jetë edhe një test shumë i madh me pa vetën se ku jemi kundër kombëtarëve më të forta edhe me vazhdu tani kundër Bullgarisë”, përfundoi ylli i ri.

Ndeshja miqësore mes Kosovës dhe Danimarkës zhvillohet mbrëmjen e së enjtes nga në stadiumin “Fadil Vokrri” nga ora 19:00, ndërsa ndeshja tjetër në kuadër të kualifikimeve kundër Bullgarisë luhet në fillim të javës së ardhshme./arbresh.info/