Dillian Whyte konfirmon revanshin ndaj Alexander Povetkin

12:40 | 14 Shtator 2020
Arbresh Info

Boksieri Dillian Whyte ka njoftuar që gjatë kësaj jave do konfirmohet përballja me Alexander Povetkin-in.

Whyte pësoi humbje shokuse nga rusi muajin e kaluar, pas një nokauti në raundin e pestë, transmeton portali arbresh.info.

32-vjeçari në raundin e katër kishte arritur që ta rrëzojë dy herë Povetkin-in, por në raundin e pestë një goditje perfekte nga kundërshtari bëri që të mbyllet ndeshja.

Për Whyte kjo ishte humbja e parë që nga viti 2015, ndërsa ishte afër përballjes me kampionin Tyson Fury, por tani i nevojitet fitorja ndaj Povektin për të fituar përsëri të drejtën që të përballet me kampionin.

Ai konfirmoi revanshin përmes një postimi në Twitter.

“Lajmet e luftës zbulohen nesër duke ecur drejt zjarrit. Unë dua që gjithçka të bëhet tym, le të shkojmë”, ka shkruar ai.

https://twitter.com/DillianWhyte/status/1305439979129188353

Mbetet të shihet në cilën datë do zhvillohet përballja e dytë mes dy super boksierëve./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm