Përzgjedhësi i kombëtares franceze në futboll, Didier Deschamps ka deklaruar se është e mundshme që sulmuesi i Real Madridit Karim Benzema të kthehet në ekipin nacional.
Deschamps kishte larguar Benzema nga ekipi pasi që sulmuesi ishte dyshuar se kishte nënçmuar shokun nga kombëtarja Mathieu Valbuena, ndërsa lojtari kishte pohuar se përzgjedhësi ishte gjunjëzuar para racistëve.
Benzema për këtë arsye nuk kishte pasur gjasa që të luajë në evropianin që u mbajt vitin e kaluar në Francë, por përzgjedhësi mendon tash qa ta kthejë në ekip pasi presidenti i Federatës së Futbollit të Francës Noel Le Gre kishte thënë se Deschamps mund ta ftojë lojtarin nëse dëshiron.
“Nëse mendoj se do të jetë i dobishëm për ekipin që ta kthej Karimin, atëherë do ta kthej”, ka thënë Deschamps në një intervistë për “Parisien”.
Sipas tij, Benzema edhe më tej është njëri prej sulmuesve më të mirë të Francës.
“Asgjë nuk është e pamundur. Lassana Diarra pesë vjet nuk ka luajtur për Francën dhe është kthyer. Askush nuk e di se çfarë sjellë e ardhmja”, është shprehur Deschamps.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite