Google ADS

Detajet prapa transferimit të Arbnor Mujës te Samsunspor, sa përfitoi Drita nga shitja e tij

11:35 | 10 Shkurt 2024
E.K

Arbnor Muja ka befasuar me hapin e radhës, duke lënë Antwerpin për të kaluar te klubi i elitës turke Samsunspor, që këtë vit po lufton për mbetje në elitë.

Por siç duket oferta e klubit turk ka qenë aq e mirë për klubin belg dhe lojtarin, që palët të arrinin shpejt marrëveshje.

Siç mëson Telegrafi, lojtari është shitur për 2 milionë euro, ndërsa 1 milion euro të tjera janë të vendosura në marrëveshje në formë bonusesh.

Muja që paguhej më pakë se 400 mijë euro në vit në Belgjikë, në klubin turk do të fitojë tri herë më shumë, duke kaluar pra shifrën e një pagë mbi 1 milion euro në vit.

Drita që ka ruajtur 20 përqind të kartonit nga transferimi i ardhshëm, do të marr 400 mijë euro, ndërsa nëse arrihen bonuset kjo shifër mund të shkojë deri në 600 mijë euro.

Muja luajti një rol të rëndësishëm në arritjen e titullit me Antwerp në Belgjikë dhe fal paraqitjeve të tij ai kishte marr ftesë nga Kosova dhe Shqipëria, ku në fund vendosi të përfaqësojë kuqezinjtë.

Shpërndaje në rrjete sociale

Lajmet më të lexuara

Të ngjashme

Foto lajm