Dështon Palermo, Frosinone ngjitet në Serinë A

23:46 | 16 Qershor 2018
Arbresh.info

Frosinone do të jetë skuadra e tretë që do të ngjitet në Serinë A, pas Empolit dhe Parmës që e kishin siguruar këtë hap më herët.

Skuadra e drejtuar nga Moreno Longo ia doli të triumfojë në Play Off, teksa mposhti në finalen e kthimit Palermon me rezultatin 2-0, falë golave të Maiello dhe Ciano, në pjesën e dytë të takimit.

Sfida e parë në “Renzo Barbera” kishte përfunduar 2-1 për Palermon, por Frosinone arriti të zhvlerësojë atë rezultat, ndërsa më herët kishte eliminuar edhe Cittadellan.

Frosinone rikthehet kështu në Serinë A, pas dy sezonesh mungesë, ndërsa vitin e kaluar u eliminua pikërisht në gjysmëfinalen e Play Off-it.

Nga ana tjetër, Palermo do të duhet të presë një tjetër sezon, për të synuar ngjitjen në Serinë A, prej ku u rrëzua në sezonin 2016-2017.

 

 

Shpërndaje në rrjete sociale

Lajmet më të lexuara

Të ngjashme

Foto lajm