Google ADS

Derbi i javës Llapi – Prishtina, statistikat mes këtyre dy skuadrave

21:31 | 23 Qershor 2020
A. B.

Llapi dhe Prishtina do të takohen në kuadër të javës së 26-të të Ipko Superligës, ku ndeshja zhvillohet këtë të enjte më 25 qershor në “Zahir Pajaziti” nga ora 16:45.

Pas 25 javëve, Llapi renditët e 6-ta me 37 pikë të tubuara, ndërsa, Prishtina renditet e dyta me 50 pikë të tubuara, dy larg Dritës, lidere e klasifikimit.

Por, prishtinasit gjithmonë kanë pasur udhëtim të vështirë në Podujevë, megjithëse në duelin e fundit në vjeshtë patën triumfuar bindshëm, 4-1. Megjithatë ishte Llapi që kishte ngadhënjyer në ndeshjen e parë në Prishtinë, 1-0.

Dy skuadrat gjithsejtë pas luftës kanë 26 ndeshje të zhvilluara. Udhëheq Prishtina me 15 fitore, 3 barazime e 8 humbje me goldallim +19, 45:26.

Por, krejt ndryshe qëndron raporti në Podujevë. Nga 12 ndeshje, Llapi ka fituar 6 sosh, 3 barazime dhe 3 fitore të Prishtinës me goldallim +5 për Llapin, 16:11. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm