Shqiptari i pamposhtur, Florian Marku, ka dalë fitues përballë Miguel Parra Ramirez në ‘Air Albania Stadium’ në Tiranë për ta fituar titullin WBC Silver në kategorinë e mesme të lehtë.
U deshën 10 raunde që ‘The Albanian King’ të triumfonte me vendim unanim të gjyqtarëve (96-91, 96-91, 95-92).
Gjatë meçit nuk munguan edhe momentet e vështira për boksierin shqiptar, por ai ia doli të ishte fitimtar në fund.
Pas përfundimit të meçit dhe shpalljes kampion, Marku i falënderoi mijëra shqiptarët që kishin shkuar në ‘Air Albania Stadium’ për ta mbështetur.
Në deklaratën e tij, ai ka thënë se “kushdo që vjen këtu, jep shpirtin për të fituar” ka kërkuar duartrokitje për meksikanin që kishte ardhur në Shqipëri për të dhënë një duel të fortë.
It’s a win for @FlorianMarku92! 💥@Boxxer pic.twitter.com/0hDC7KdWPv
— Sky Sports Boxing (@SkySportsBoxing) August 25, 2022
Duke kujtuar jetën e vështirë që ka kaluar, Marku ka thënë se edhe ai ka shpirt dhe ka momentet e vështira, porse ka thënë se nuk dorëzohet kurrë deri kur nuk mund të çohet më.
“Diçka jua premtoj, sa të boksoj, unë jap shpirtin dhe nuk dorëzohem kurrë në këtë ring derisa të bie pa ndjenja… përndryshe nuk ka dorëzim”, është shprehur kampioni. /Telegrafi/
Izraeli thotë se ka goditur qindra caqe në Liban
“Të kthehemi më të fortë”, Flick flet pas humbjes së Barcelo...
Të shtënat me armë në ahengje, MPB: Gjatë gushtit u konfisku...
Për një javë policia shqiptoi afro dy mijë gjoba trafiku në ...
Lajçak: Dy javët e fundit, fokusin e kisha në dialog
“Travel and Tour World”: Shqipëria moment historik të ri në ...