De Rossi me “dhimbje koke”, titullari i sulmit humbet ndeshjen me Brighton

17:30 | 13 Mars 2024
KRG

Roma luan të enjten biletën për në çerekfinalen e Europa League teksa verdhkuqtë udhëtojnë drejt Anglisë për t’u përballur me Brighton. Skuadra e Daniele De Rossit është favoritja e madhe për të kaluar më tej sidomos pas fitores së thellë 4-0 në Olimpico.

Megjithatë, transferta në Angli ka sjellë edhe “dhimbjet” e para të kokës për italianët duke qenë se Romelu Lukalu ka mbetur në Romë dhe nuk është së bashku me pjesën tjetër të skuadrës. Belgu ka një lodhje muskulore dhe duke parë edhe rezultatin, është menduar që të mos rrezikohet. Vendin e tij në fushë pritet ta “trashëgojë” Azmoun që do të luajë në partneritet me Dybalën.

Në fakt, ishte menduar që argjentinasi të pushonte në këtë ndeshje, por mungesa e Lukakut mund të ndryshojë planet e De Rossit që pavarësisht avantazhit me katër gola, nuk e ka luksin ta nisë sfidën pa belgun dhe Dybalën./SS

Shpërndaje në rrjete sociale

Lajmet më të lexuara

Të ngjashme

Foto lajm