De Gea refuzon Al-Nassr, shkak gruaja e tij

20:26 | 19 Nëntor 2023
D.H

David De Gea qëndron pa skuadër prej muajit korrik, kur i dha fund aventurës 12-vjeçare me Manchester United. Portieri spanjoll ka marrë disa oferta, por ende nuk ka zgjedhur skuadrën e radhës.

Teksa po pret janarin për t’u rikthyer mes portave. Së fundmi ka marrë një ofertë të majme nga Arabia Saudite, por është detyruar të refuzojë për shkak të bashkëshortes.

Al-Nassr, klubi ku bën pjesë edhe Cristiano Ronaldo, i ka ofruar 33-vjeçarit rreth 500 mijë paund në javë. Por, Edurne Garcia Almagro, gruaja e “gardianit” iberik, ka vendosur veton.

Pasi nuk dëshiron të jetojë në Arabinë Saudite. Dhe David e ka dëgjuar duke iu përgjigjur negativisht propozimit saudit. E ardhmja e portierit pritet të jetë në MLS-në amerikane.

Teksa nuk përjashtohet edhe opsioni i rikthimit në “Old Trafford”. Andre Onana do të mungojë në janar për shkak të Kupës së Kombeve të Afrikës. Dhe “Djajtë e Kuq” po e mendojnë seriozisht rikthimin e De Geas./ss

Shpërndaje në rrjete sociale

Lajmet më të lexuara

Të ngjashme

Foto lajm