Daku pas golit të sotëm: Tani koha për dashurinë kuq e zi

22:15 | 5 Tetor 2024
D.H

Mirlind Daku ka realizuar gol në fitoren e Rubin Kazan në ndeshje ndaj Akhmat Gronzy.

Skuadra e tij fitoi me rezultat 2-0, teksa sulmuesi shqiptar realizoi golin e dytë në ndeshje, shkruan Arbresh.info.

Pas ndeshjes, Daku reagoi përmes një postimi në rrjetin social Facebook ku e cilësoi këtë ndeshje si fitore të madhe dhe foli për ndeshjet e ardhshme me kombëtaren.

“Gol dhe fitore e madhe. Faleminderit shumë. Tani koha për dashurinë Kuq e Zi”, ka shkruar Daku në Facebook.

Kujtojmë se sulmuesi nga Gjilani është ftuar nga kombëtarja kuqezi për ndeshjet e tetorit në Nations League.

Ish-futbollisti i Ballkanit është në formë të jashtëzakonshme ku në 11 ndeshjet e para ka realizuar gjashtë gola dhe dhuruar dy asistime./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm