Daja: Asnjëra skuadër nuk dominoi në fushë, ne kemi ditur të rikthehemi

17:32 | 20 Prill 2024
D.H

Trajneri i Ballkanit, Ilir Daja, i është gëzuar rezultatit të barabartë në derbin ndaj Dritës.

Rezultati 2:2 të shtunën në Suharekë ka bërë që Ballkani të mbetet lider edhe pas xhiros së 30-të. Por ndeshja ishte tejet dramatike.

“Asnjëra skuadër nuk dominoi në fushë, ishte lojë e barabartë ndërmjet dy skuadrave. As Drita nuk na dominoi, por as ne nuk e dominuam Dritën. Ajo që na ka mbajtur në lojë është edhe ana e mentalitetit fitues të futbollisteve. Pavarësisht disavantazhit, ne kemi ditur të rikthehemi në lojë falë këtyre djelmoshave”, tha Daja pas ndeshjes për “Art Motion”.

Ballkani vazhdon lidershipin me 60 pikë, ndërsa Drita është e dyta me 58 pikë.

Shpërndaje në rrjete sociale

Lajmet më të lexuara

Të ngjashme

Foto lajm