Granit Xhaka ka shkëlqyer në fitoren e thellë të “Topçinjve” mbrëmjen e së martës.
Futbollisti shqiptar, i cili nisi takimin nga minuta e parë dhe luajti deri në fishkëllimën e fundit, ka treguar klasin e tij në ndeshjen e xhiros së 14-të në Premierë Ligë kundër Huddersfieldit, shkruan portali arbresh.info.
Golat nga Alexandre Lacazette, Olivier Giroud (dy), Alexis Sanchez dhe Mesut Ozil i dhanë skuadrës së trajnerit Arsene Wenger një fitore të thellë me rezultat 5 me 0.
Performanca e reprezentuesit të Zvicrës në Emirates nuk ka kaluar pa u vërejtur nga tablodi britanik ‘DailyMail’ që në raportin e tyre për 10 gjërat që kemi mësuar nga ndeshjet e mesjavës në Premierë Ligë shkruan se Granit Xhaka ishte mjeshtër i pasimeve.
Ylli 25-vjeçar, i cili kaloi te “Topçinjtë” verën e vitit të kaluar, ka bërë gjithsej 114 pasime të sakta kundër Huddersfieldit të bashkëlojtarit të tij te kombëtarja e Zvicrës, Florent Hadergjonajt. Pas shpalosi në detaje kartonat e verdhë dhe të kuq që futbollisti ka marrë gjatë këtij sezoni dhe gjatë sezonit të kaluar, tablodi britanik vuri në pah gjithashtu numrin e pasimeve të sakta nga Xhaka.
“Një ndeshje e mirë. Faleminderit të gjithëve për mbështetjen. Të vazhdojmë me fitore”, ka shkruar Granit Xhaka në llogarinë e tij në rrjetin social Instagram pas ndeshjes.
Xhaka, ashtu si Shkodran Mustafi, pritet të jenë startues edhe në derbin e së shtunës ndaj Manchester United të Jose Mourinhos./arbresh.info/
BIK-u dënon sulmin terrorist në Ankara
FSK-ja certifikon grupin e pestë të kursantëve nga Ukraina
Kurti mori pjesë në ecjen tradicionale në kuadër të Muajit N...
Të paktën 17 të vrarë pas një sulmi izraelit në Gazë
Gjykata të hënën merr vendimin përfundimtar për Bedri Krasni...
Zv/ministri i Drejtësisë padit Abelard Tahirin për shpifje