Courtois është kthyer nga lëndimi, Ancelotti tregon se kush do ta ruajë portën ndaj Bayern Munich

17:04 | 3 Maj 2024
E.K

Carlo Ancelotti u shfaq para mediave në konferencë për shtypin pas seancës së fundit stërvitore para ndeshjes kundër Cadizit që zhvillohet në “Santiago Bernabeu” për javën e 34-të të La Ligas.

Trajneri italian ka analizuar situatën aktuale të skuadrës së bardhë, duke thënë se nuk kanë fituar ende asnjë trofe.

“Nuk kemi menduar asgjë sepse nuk kemi fituar asgjë. Do ta mendojmë ditën që të jemi matematikisht kampionë. Objektivi i vetëm është të marrim tri pikët në këtë ndeshje”, ka thënë italiani.

Ai u ndal te rikthimi i Thibaut Coutrois, i cili është portieri i parë i Real Madridit, por që me Bayern Munich nuk do të jetë në portë.

“Ai është mirë. Nesër do të luajë pas një kohe të gjatë. Është një lajm i mirë për ne që ai është kthyer, si me Militao. Ai është mirë, me entuziazëm të madh dhe të gjithë jemi të kënaqur me të”.

“Finalja që kemi në mendje është të mërkurën kundër Bayernit. Lunin do ta luajë atë dhe më pas do të shohim”, ka thënë Ancelotti. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm