Google ADS

Coman mbrëmë theu një rekord në Champions League

08:20 | 15 Shkurt 2023
K.B

Kingsley Coman është bërë lojtari që ka fituar më së shumti ndeshje në Champions League, në 50 paraqitjet e para në këtë kompeticion.

Coman, në ndeshjen kundër PSG-së, i siguroi fitoren ekipit të tij, Bayernit, duke vulosur fitoren e tij të 39-të në Ligën e Kampionëve, në paraqitjen e tij të 50-të në këtë kompeticion.

Goli i tij i jep kampionëve gjermanë një avantazh të madh në ndeshjen kthyese në Allianz Arena, ku ata mund të eliminojnë një rival të madh, në ndjekjen e një kurore të shtatë evropiane.

Coman po ashtu ishte ai që shënoi golin e vetëm kur të dy skuadrat u takuan në finalen e 2020-ës, të cilën Bayern e fitoi gjithashtu 1-0, duke i siguruar klubit trefishin e dytë kontinental, shkruan Goal.

Shpërndaje në rrjete sociale

Lajmet më të lexuara

Të ngjashme

Foto lajm