“Çmenduria” e tifozit brazilian, ia lë gjithë pasurinë Neymarit

12:48 | 29 Qershor 2023
K.B

Një shembull tjetër i besnikërisë së çuditshme të tifozëve vjen nga Brazili.

Portali lokal Metropoles raporton se tifozi 30-vjeçar i kombëtares braziliane ka bërë një testament në të cilin ia lë të gjitha pasuritë yllit të kombëtares dhe PSG-së franceze, Neymar.

“Ashtu si Neymar, edhe unë jam ballafaquar me shumë sfida gjatë gjithë jetës sime. Si ai, edhe unë jam i orientuar nga familja dhe marrëdhënia e ngushtë që ka me babain e tij më kujton marrëdhënien mes meje dhe babait tim që ndërroi jetë. Shëndeti im nuk është më të mirën dhe për shkak të kësaj gjithçka ia lë atij, nuk dua që shteti apo të afërmit që nuk më pëlqen të marrin në dorë pronën time”, tha ai për mediat lokale.

Sipas revistës ekonomike Forbes, 31-vjeçari Neymar është një nga sportistët më të paguar në botë.

Këtë vit, të ardhurat e tij totale, nga PSG dhe kontratat e marketingut, do të shkojnë në rreth 85 milionë euro./Lajmi.net/

Shpërndaje në rrjete sociale

Lajmet më të lexuara

Të ngjashme

Foto lajm