“Çmendet” Liverpool, jep një ‘mal me para’ për ta mbajtur Salah

19:40 | 24 Dhjetor 2021
Lorik Gerbeshi

Skuadra e Liverpoolit do të jetë e detyruar ta bëjë, Mohamed Salah lojtarin më të paguar në histori të Premier Leagues në mënyrë që sulmuesi egjiptian ta firmos kontratën e re.

Me kontratën e re, Salah do ketë pagë javore prej 500 mijë funteve duke e tejkaluar edhe portugezin, Cristiano Ronaldo.

Salah, 29-vjeçar ka kontratë me Liverpoolin deri në vitin 2023 dhe ekipi anglez po dëshiron ta mbajë atë në “Anfield Road” sa më gjatë që të jetë e mundur.

Mirëpo, për ta firmosur kontratën e re, Salah ka kërkuar pagë të lartë, të cilën Liverpooli do t’ia ofrojë.

Ai iu bashkua Liverpoolit në vitin 2017 nga Roma kurse këtë edicion ka shënuar 22 gola dhe ka bërë nëntë asistime në 24 paraqitje në të gjitha garat.

Shpërndaje në rrjete sociale

Lajmet më të lexuara

Të ngjashme

Foto lajm