City planifikon shkëmbimin Cancelo – Skriniar

13:10 | 15 Mars 2020
Arbresh Info

Manchester City është shumë i interesuar për mbrojtësin e Interit, Milan Skriniar.

“Qytetarët” synojnë ta sakrifikojnë mbrojtësin e krahut, Joao Cancelo për ta sjell Skriniar në “Etihad”, transmeton portali arbresh.info.

Sipas Calciomercato, City do ia ofrojë 25-vjeçarin Interit dhe thuhet se “Neurazurët” do e pranojnë ngase më herët ishin të interesuar ta mbajnë në skuadër, por në momentin e fundit “Zonja e Vjetër” arriti ta rrëmbej.

Cancelo gjatë sezonit 2017/18 ishte huazim te Inter nga Valencia, pastaj iu bashkua rivalit, Juventus.

Ndërsa u transferua te “Citiziens” verën e kaluar në shkëmbim me Danilon, por nuk ka arritur të gjejë formën e duhur në kampionatin anglez.

Portugezi ka bërë 24 paraqitje duke shënuar një gol dhe kontribuar me një asistim, por ka dështuar të hyjë në formacionin startues./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm