Google ADS

Chelseat i mungon një yll në ndeshjen e së shtunës

10:44 | 10 Tetor 2017
Arbresh Info

Chelsea raportohet se do të jetë në mungesë të sulmuesit Alvaro Morata për ndeshjen e së shtunës në Premierë Ligë kundër Crystal Palaces për shkak të tërheqjes muskulore.

24-vjeçari fillimisht la të kuptohej përmes rrjeteve sociale se do të rikthehet në aksion pas ndeshjeve me skuadrën kombëtare, por duket se udhëtimi në Selhurst Park këtë vikend ka ardhur me shpejtësi, transmeton portali arbresh.info.

Momenti kur Alvaro Morata po largohej nga fusha pas lëndimit
Momenti kur Alvaro Morata po largohej nga fusha pas lëndimit

Sipas mediave angleze, trajneri i “Bluve”, Antonio Conte shpreson në rikthimin e sulmuesit të tij në ndeshjen e ardhshme në kuadër të fazave të grupeve në Ligë të Kampionëve të mërkurën kundër Romas.

Morata pësoi lëndim të shkallës së dytë në kofshë gjatë disfatës 1 me 0 të Chelseat ndaj Manchester Cityt dy javë më parë.

Reprezentuesi spanjoll, i cili u transferua te klubi në Stamford Bridge nga Real Madridi këtë verë, ka shënuar deri tani shtatë gola dhe ka krijuar dy asistime./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm