Google ADS

Chelsea nuk njeh kundërshtarë, fiton edhe ndaj Bournemouth

18:04 | 1 Shtator 2018
Arbresh.info

Chelsea ka regjistruar fitoren e katërt në po aq ndeshje në  Premierligë këtë sezon, duke mposhtur skuadrën e Bournemouth me rezultatin 2:0 në ‘Stamford Bridge’.

Të përzgjedhurit e Maurizio Sarrit dominuan gjatë gjithë lojës, megjithëse vuajtën për të gjetur rrugën e golit të parë.

Ishte i inkuadruari  në pjesën e dytë Pedro Rodriguez, i cili në minutën e 72’ pas një asistimi të Olivier Giroud (po ashtu i inkuadruar në pjesë të dytë) realizoi për të zhbllokuar shifrat.

Goli i lehtësoi paksa lojtarët e Chelsea dhe 13 minuta më vonë ishte fantazisti Eden Hazard, i cili pas asistimit të Marcos Alonso, shënoi golin e dytë për londinezët dhe vulosi fatin e takimit.

Chelsea numëron pikë të barabarta me Liverpool, nga 12 secila skuadër, dhe shkojnë të qeta në pauzën e kombëtareve

Shpërndaje në rrjete sociale

Lajmet më të lexuara

Të ngjashme

Foto lajm