Google ADS

Chelsea nuk di të ndalet, planifikon oferta për Smith Rowe dhe dyshen e Barcelonës

09:34 | 29 Gusht 2023
Orgesa Haziri

Chelsea raportohet se po planifikon një lëvizje befasuese për të riun e Arsenalit, Emile Smith Rowe, ndërsa po shikon gjithashtu dyshen e Barcelonës, Raphinha dhe Ferran Torres.

Chelsea ka shpenzuar tashmë rreth 350 milionë funte për transferime këtë verë, por menaxheri Mauricio Pochettino është i prirur të sjellë përforcime të mëtejshme sulmuese, shkruan Arbresh.info.

Sipas Daily Mail, klubi i Todd Boehly ka shprehur interesim për Smith Rowe, Raphinha dhe Ferran Torres.

Interesi nuk është i avancuar për asnjë nga treshja, por Arsenali dhe Barça mund të tundohen nga oferta e “The Blues”.

Smith Rowe nuk ka luajtur asnjë minutë për skuadrën e Mikel Artetës këtë sezon, ndërsa Raphinha dhe Ferran Torres e gjejnë veten rregullisht në stolin e skuadrës spanjolle.

Me mbylljen e dritares së transferimeve në vetëm disa ditë, finalizimi i këtyre nënshkrimeve nuk do të jetë e lehtë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm