Chelsea mposht Southamptonin pas penalltive dhe kualifikohet tutje në Kupën EFL

23:00 | 26 Tetor 2021
KRG

Chelsea është kualifikuar në çerekfinale të EFL Cup pas ekzekutimit të penalltive ndaj Southamptonit, pasi ndeshja e zhvilluar në Stamford Bridge përfundoi me rezultat 1-1.

Rezultati u zhbllokua në fund të pjesës së parë  në minutën e 44-të, me një gol të Kai Havertz, i cili realizoi me kokë pas harkimit të Hakim Ziyech nga këndi.

Mirëpo, me të filluar gjysma e dytë në minutën e 47-të, Che Adams shfrytëzoi një top të rikthyer për t’i barazuar shifrat.

Rezultati i barabartë qëndroi deri në mbyllje të kohës së rregullt të takimit, ashtu që penalltitë e vendosën fituesin.

Pas ekzekutimit të njëmbëdhjetëmetërshave, më të saktë u treguan lojtarët e Chelsat që eliminuan Southamptonin dhe u kualifikuan në çerekfinale të kupës që njihet edhe si Carabao Cup.

Shpërndaje në rrjete sociale

Lajmet më të lexuara

Të ngjashme

Foto lajm