Chelsea mëson datat e ndeshjes për Kupën e Botës për klube

14:30 | 29 Nëntor 2021
Lorik Gerbeshi

Chelsea ka mësuar datat se kur do t’i zhvillojë ndeshjet e Kupës së Botës për klube.

Thomas Tuchel do ta dërgojë ekipin e tij në Emiratet e Bashkuara Arabe për turneun midis 3 dhe 12 shkurtit.

Kjo do të thotë se ndeshjet e bluve në udhëtim te Brighton dhe në shtëpi kundër Arsenal do të duhet të riorganizohen.

Shtatë klube do të marrin pjesë në këtë garë, gjashtë fituesit e kupës së kontinentale të secilës konfederatë dhe kampionët e ligës së Emirateve të Bashkuara Arabe.

Krahas Chelseat, në turne do të jenë Al Hilal, Al Ahly, Monterrey, Auckland City, Al Jazira Club dhe Palmeiras.

Londinezët hyjnë në garë në gjysëmfinale, në anën e kundër të shortit me fituesit e Copa Libertadores, Palmeiras./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm