Google ADS

Chelsea i bindur se Mount nuk do të largohet

22:18 | 1 Maj 2023
Orgesa Haziri

Besimi po rritet brenda Chelsea se Mason Mount do të refuzojë interesin nga Liverpool dhe do të nënshkruajë një kontratë të re afatgjatë, kanë thënë burimet për Football Insider .

“Blutë” kanë filluar negociatat me anglezin për një marrëveshje të re, por të dyja palët deri më tani nuk kanë arritur asgjë.

Sidoqoftë, emërimi i afërt i Mauricio Pochettino u ka dhënë shpresë brenda “Stamford Bridge” se Mount do të qëndrojë në Chelsea.

Kuptohet se Chelsea gjithashtu i ka premtuar Mountit më shumë minuta në ekipin e parë dhe një rol kyç në skuadër si pjesë e negociatave të kontratës së tij.

Liverpool dhe Arsenal po përgatiten të dy të dorëzojnë oferta për 24-vjeçarin këtë verë, ndërsa gjigantët e Bundesligës, Bayern Munich, po bëjnë gjithashtu presion për t’iu bashkuar garës.

Burimet e Football Insider zbuluan të dielën (30 prill) se Thomas Tuchel po i kërkon Bayernit të hyjë në një luftë ofertash në mënyrë që ai të mund të ribashkohet me Mount./Arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm